સરકારમાં ક્લાર્કની ભરતી હવે દ્વિસ્તરીયઃ પ્રાથમિક પરીક્ષામાં પાસ થશે તો જ મુખ્ય પરીક્ષા આપી શકશે

વેઇટીંગ લિસ્ટ નહીં બનાવાય, જેટલી જગ્યા હશે તેનાથી સાત ગણાં ઉમેદવારોને મુખ્ય પરીક્ષા માટે પસંદ કરાશે

સરકારી ભરતીમાં પેપર લીક સહિતની ગેરરીતિઓ રોકવા માટે છેવટે રાજ્ય સરકારે ત્રીજા વર્ગની ભરતીમાં વર્ષોથી ચાલતા પરીક્ષાના નિયમો બદલીને દ્રિસ્તરીય પદ્ધતિ સાથેના નવા નિયમોની જાહેરાત કરી છે. હેડ ક્લાર્ક, સિનિયર કલાર્ક તેમજ જુનિયર ક્લાર્કની ભરતીમાં હવે પરીક્ષા માટે નવા જાહેર કરેલા નિયમો લાગુ પડશે. સૌથી મહત્ત્વનો જે ફેરફાર કરાયો છે તેમાં પ્રથમ તબક્કો પ્રાથમિક પરીક્ષાનો અને બીજો તબક્કો મુખ્ય પરીક્ષાનો રહેશે. પ્રાથમિક પરીક્ષા એલિમિનેશન પ્રકારની પરીક્ષા રહેશે એટલે કે તેમાં જે પાસ નહીં થાય તે ઉમેદવાર આગળની પરીક્ષામાં ભાગ નહીં લઇ શકે. તે પછી પ્રિલિમિનરી પરીક્ષાના ગુણના આધારે જાહેરાત મુજબની જગ્યાના ૭ ગણા ઉમેદવારોને મુખ્ય પરીક્ષા માટે પસંદ કરવામાં આવશે.

 સામાન્ય વહીવટ વિભાગે જાહેરનામું બહાર પાડીને ગુજરાત ગૌણ સેવા પસંદગી મંડળના ત્રીજા વર્ગની સ્પર્ધાત્મક પરીક્ષાના ગ્રૂપ એ અને ગ્રૂપ બીના નિયમો-૨૦૨૩ જાહેર કર્યા છે. છેલ્લા કેટલાક વર્ષોથી સરકારી ભરતી પરીક્ષાઓ લેવામાં પેપર લીક, ગેરરીતિ, લાખો ઉમેદવારો માટે પરીક્ષાનું આયોજન સહિત અનેક સમસ્યાઓ ઉદ્દભવી હતી. તેને ધ્યાનમાં રાખીને આમૂલ પરિવર્તન કરવામાં આવ્યું છે. તે મુજબ •પરીક્ષા પદ્ધતિ પ્રમાણે ક્લાર્ક સંવર્ગને મુખ્ય બે જૂથમાં વહેંચવામાં આવ્યા છે. ગ્રૂપ–એમાં હેડ ક્લાર્ક, સિનિયર ક્લાર્ક, સચિવાલય સંવર્ગના ઓફિસ આસિસ્ટન્ટ અને જિલ્લા કલેક્ટરની કચેરી ખાતેના જુનિયર ક્લાર્કનો સમાવેશ થાય છે. ગ્રુપ-બીમાં જિલ્લા કલેક્ટર કચેરી સિવાયના ખાતાના વડાની કચેરીના જુનિયર ક્લાર્કનો સમાવેશ કરાયો છે. પાંચે સંવર્ગ માટે ઉમેદવારે એક જ અરજી કરવાની રહેશે. જો કે ઉમેદવાર કોઇ એક ગ્રૂપ કે બન્ને ગ્રૂપ માટે પણ ઉમેદવારી નોંધાવી શકશે. તમામ ઉમેદવારોએ પરીક્ષા ફોર્મની નિયત ફી ભરવાની રહેશે અને જે ઉમેદવાર પરીક્ષામાં હાજર રહેશે તેને ભરેલી ફી પરત કરાશે. પ્રમાણપત્ર ચકાસણીમાં જગ્યાના બે ગણાં ઉમેદવાર પસંદ કરાશે. પ્રત્યેક ગ્રૂપમાં રહેલા સંવર્ગોની કુલ જગ્યાના આશરે બે ગણાં ઉમેદવારોને મેરિટ મુજબ પ્રમાણપત્ર ચકાસણી માટે માટે પસંદ કરાશે. તે પછી મેરિટ આધારિત લાયક ઉમેદવારોની આખરી યાદી પ્રસિધ્ધ થશે. ઉમેદવારો પસંદગી ઓનલાઇન આપી શકશે. મંડળ ખાતે મેરિટ મુજબ રૂબરૂ હાજર રહી ઉપલબ્ધ જગ્યાઓ પૈકી પસંદગી કરીને જે તે જગ્યા, કચેરી કે સંવર્ગની ફાળવણી મેળવી શકશે. ગ્રુપ-એમાં કલેક્ટરની કચેરી ખાતેના જુ. ક્લાર્ક સંવર્ગના ઉમેદવારોએ મહત્તમ ત્રણ જિલ્લાની પસદંગી આપવાની રહેશે. જે તે સત્તાતંત્રને સંતોષ થશે જ પછી ઉમેદવારની નિમણૂક કરવામાં આવશે. વેઇટીંગ લિસ્ટ પણ નહીં બનાવાય. જરૂર પડ્યે આગામી ભરતી માટે બાકી જગ્યાઓ ઉમેરાશે. નિયમોમાં ફેરફારના કારણો અને ફાયદા પ્રિલિમના ગુણ મેરિટમાં નહીં ગણાય તેથી ગેરરીતિ ઘટશે પ્રિલિમિનરી એક્ઝામ એલિમીનેશન ટેસ્ટ હોવાથી ગુણ મેરિટમાં નહીં ગણાય તેથી ગેરરીતિ નિયંત્રણમાં રહેશે તેવી ગણતરીથી ફેરફાર કરાયો છે. બીજી મુખ્ય પરીક્ષા માટે જેટલી જગ્યાની ભરતી બહાર પડશે તેના સાત ગણાં ઉમેદવારોને જ બેસવા દેવાશે. તેથી મોટી સંખ્યામાં ઉમેદવારો નહીં રહે, નિયંત્રિત સંખ્યા સાથે સુરક્ષિત રીતે પરીક્ષા લઇ શકાશે. ગ્રૂપ એમાં વર્ણનાત્મક પરીક્ષા હોવાથી સરકારને ત્રીજા વર્ગના સ્ટાફમાં ગુણવત્તા મળશે. ટેકનોલોજીથી લઇને અનેક વિષયોને પરીક્ષામાં આવરી લેવાશે. उGPSCની જેમ પેપર લખવાના રહેશે. પ્રા. પરીક્ષા ૧૦૦ ગુણની-ગ્રૂપ એ અને બી માટે અલગ મેરિટ નવા નિયમોમાં પ્રાથમિક પરીક્ષા ૧૦૦ હેતુલક્ષી પ્રશ્નો ધરાવતી ૧૦૦ ગુણની અને એક કલાકની રહેશે. ગ્રૂપ એ અને બી માટે અલગ મેરિટ બનાવાશે. દરેક ગ્રૂપમાં સંવર્ગની કુલ જગ્યા એટલે કે ભરતીના સાત ગણા ઉમેદવારોને મુખ્ય પરીક્ષા માટે પસંદ કરવામાં આવશે. ગ્રૂપ એની પરીક્ષા ૩૫૦ ગુણની અને ગ્રૂપ બીની ૨૦૦ ગુણની રહેશે • ગ્રૂપ એ માટે મુખ્ય પરીક્ષા વર્ણનાત્મક પ્રકારની રહેશે જેમાં ત્રણ પ્રશ્નપત્રો નો સમાવેશ થશે. ગુજરાતી અને અંગ્રેજી ભાષાનું પ્રશ્નપત્ર ત્રણ કલાકનું અને ૧૦૦ ગુણનું રહેશે જ્યારે સામાન્ય અભ્યાસનું પ્રશ્નપત્ર ૧૫૦ ગુણનું અને ત્રણ કલાકનું રહેશે. કુલ ૩૫૦ ગુણની પરીક્ષા રહેશે. ગ્રૂપ બી માટે મુખ્ય પરીક્ષા ૨૦૦ હેતુલક્ષી પ્રશ્નો ધરાવતી ૨૦૦ ગુણની અને બે કલાકની રહેશે. એલિમિનેશન ટેસ્ટમાં એમસીક્યુ પૂછાશે એલિમિનેશન ટેસ્ટ એમસીક્યુ પ્રકારનો રહેશે પરીક્ષા આપવાની લઘુત્તમ લાયકાત ૨૦ વર્ષની, મહત્તમ જે તે ભરતીમાં નિર્દિષ્ટ કરાઇ હોય તે રહેશે ઉમેદવાર પરીક્ષામાં ગેરરીતિ કરશે કે અયોગ્ય વર્તન કરશે તો તેની સામે ફોજદારી કાર્યવાહી કરાશે ઉમેદવારને પરીક્ષામાં કાયમી કે હંગામી સમય માટે ડિસ્ક્વોલીફાય સુધીના પગલા લઇ શકાશે ગ્રૂપ એ માં પ્રશ્નપત્ર ધો. ૧૨ની ગુજરાતી પરીક્ષા સમકક્ષ રહેશે